HEBREWS 11 – PART 10 - “THE VICTORY OF FATIH “ - The Red Sea

ANG TAGUMPAY NG PANANAMPALATAYA – DAGAT NA PULA

For June 06, 2021 – Sunday Online Worship Service

Bible Version: ABAB AND NASB

MGA SUSING TALATA

Heb 11:28 Sa pananampalataya'y itinatag niya ang paskuwa at ang pagwiwisik ng dugo, upang huwag silang galawin ng Mamumuksa ng mga panganay.

Ø 28 By faith he kept the Passover and the sprinkling of the blood, so that he who destroyed the firstborn would not touch them.

Heb 11:29 Sa pananampalataya'y tinahak nila ang Dagat na Pula na tulad sa tuyong lupa, ngunit nang tangkaing gawin ito ng mga Ehipcio ay nalunod sila.

Ø 29 By faith they passed through the Red Sea as though they were passing through dry land; and the Egyptians, when they attempted it, were drowned.

PASIMULA:

Sa pagkakataong ito ay ating titingnan ang dakilang pagtatagumpay na ibinigay ng Dios kay Moises at sa mga Anak ni Israel nang Kanyang gabayan sila sa pagtawid sa Dagat na Pula na hinati ng Dios upang makatawid ang Israel at maligtas sa naka ambang panganib sa tabak ng makapangyarihang hukbo ni Faraon.

Mapapansin na sa huling pag-aaral natin sa Hebreo 11:23-27 (“Decision of Fatih”) ay nakatuon tayo sa pag-aaral ng pananampalataya ni Moises, datapuwa’t ngayon naman sa talatang 28-29 ay sa pananampalataya, di lamang kay Moises kundi bagkus maging sa pananampalataya ng bayan ng Israel.

I. PASSOVER – PASKUA

Heb 11:28 Sa pananampalataya'y itinatag niya ang paskuwa at ang pagwiwisik ng dugo, upang huwag silang galawin ng Mamumuksa ng mga panganay.

Ø 28 By faith he kept the Passover and the sprinkling of the blood, so that he who destroyed the firstborn would not touch them.

1. Ang Paskua

Ang PASKUA ay yaong tinatawag na passover. Ito ay isang pagdiriwang ng mga Judio hanggang sa panahong kasalukuyan na nagsimula nuong huling gabi ng mga Israelita sa bansa ng Ehipto. Dito ay iniutos ng Diyos sa buong bayan ng Israel sa pamamagitan ni Moises na sila ay magsagawa ng kanilang huling hapunan sa lupain ng Ehipto dahil sa kinabukasan ay aalis na sila at tutungo na sa lupang pangako sa Canaan. Ang lupaing ipinangako ng Diyos kay Abraham.

Ang instruction sa Diyos sa kanila sa pagsasagawa ng Paskua ay sila ay kukuha sila ng isang tupa na kanilang iihawin at kakainin nila ito ng may tinapay na walang pampaalsa kasama ng mga mapapait na gulay. Ang kanilang mga pananamit habang kumakain ay sila ay nakasuot na ng pangyapak at nakabigkis na ang kanilang mga baywang na tanda na sila ay aalis na.

Exo 12:11 Sa ganitong paraan ninyo kakainin ito: may bigkis ang inyong baywang, ang mga sandalyas ay nakasuot sa inyong mga paa, at ang inyong tungkod ay nasa inyong kamay; at dali-dali ninyong kakainin ito. Ito ang paskuwa ng PANGINOON.

Ø 11 Now you shall eat it in this manner: with your loins girded, your sandals on your feet, and your staff in your hand; and you shall eat it in haste--it is the LORD’S Passover.

2. At tungkol sa pagwiwisik ng dugo:

Exo 12:21 Nang magkagayo'y ipinatawag ni Moises ang lahat ng matatanda sa Israel, at sinabi sa kanila, "Kayo'y lumabas at kumuha ng mga kordero ayon sa inyu-inyung sambahayan, at magpatay kayo ng kordero ng paskuwa.

Ø 21 Then Moses called for all the elders of Israel and said to them, “Go and take for yourselves lambs according to your families, and slay the Passover lamb.

Exo 12:22 Kayo'y kumuha ng isang bigkis na isopo, inyong ilubog sa dugo na nasa palanggana, at inyong pahiran ng dugo ang itaas ng pinto at ang dalawang haligi ng pinto ng dugong nasa palanggana; sinuman sa inyo ay huwag lalabas sa pinto ng kanyang bahay hanggang sa kinaumagahan.

Ø 22 You shall take a bunch of hyssop and dip it in the blood which is in the basin, and apply some of the blood that is in the basin to the lintel and the two doorposts; and none of you shall go outside the door of his house until morning.

Exo 12:23 Sapagkat ang PANGINOON ay daraan upang patayin ang mga Ehipcio; pagkakita niya ng dugo sa itaas ng pinto at sa dalawang haligi ng pinto, lalampasan ng PANGINOON ang pintong iyon at hindi niya hahayaang pumasok ang mamumuksa sa inyong mga bahay upang patayin kayo.

Ø 23 For the LORD will pass through to smite the Egyptians; and when He sees the blood on the lintel and on the two doorposts, the LORD will pass over the door and will not allow the destroyer to come in to your houses to smite you.

ITO NA ANG IKA-SAMPUNG SALOT NA IPINADALA NG DIYOS SA LUPAIN NG EHIPTO UPANG ANG ISRAEL AY MAPALAYA MULA SA PAGKAKAALIPIN.

Exo 12:29 Pagsapit ng hatinggabi, pinatay ng PANGINOON ang lahat ng mga panganay sa lupain ng Ehipto, mula sa panganay ng Faraon na nakaupo sa kanyang trono, hanggang sa panganay ng bihag na nasa bilangguan, at lahat ng panganay sa mga hayop.

Ø 29 Now it came about at midnight that the LORD struck all the firstborn in the land of Egypt, from the firstborn of Pharaoh who sat on his throne to the firstborn of the captive who was in the dungeon, and all the firstborn of cattle.

Exo 12:30 Ang Faraon ay bumangon nang gabi, pati ang lahat ng kanyang mga lingkod at lahat ng mga Ehipcio; at nagkaroon ng isang malakas na panaghoy sa Ehipto sapagkat walang bahay na walang namatay.

Ø 30 Pharaoh arose in the night, he and all his servants and all the Egyptians, and there was a great cry in Egypt, for there was no home where there was not someone dead.

NANG GABI RING IYON AY IPINATAWAG NI FARAON SI MOISES AT SINABI NI FARAON NA MAKAAALIS NA ANG BUONG ISRAEL.

3. Aral mula sa Hebreo 11:28

Marami sa Matandang Tipan na ipinagawa ng Diyos sa pamamagitan ni Moises, mga ritual at mga pamamaraan ng paglilingkod nila nuon, ay sagisag/symbolic ng panahong kasalukuyan sa Bagong Tipan. Tulad ng dugo ng Cordero ng Paskua na ipinahid ng mga Israelita sa mga haligi ng kanilang mga pintuan na dahil duon ay nilagpasan sila ng “DESTROYER”/”ANGEL OF DEATH” nuong huling gabi nila sa Ehipto.

DITO AY NAKITA NATIN ANG TAGUMPAY NG PANANAMPALATAYA AY NAGBUNGA NG KALIGTASAN PARA SA MGA ISARAELITA; NA KUNG HINDI NILA SINUNOD ANG MGA TAGUBILIN NG DIOS NA MAGPAHID NG DUGO NG TUPA SA HALIGI NG KANILANG MGA PINTUAN AY NAPUKSA DIN ANG KANILANG MGA PANGANAY.

Nagawa ni Moises at ng mga Israelita ang mga bagay na iyan dahil sa kanilang pananampalataya, dahil sabi ng ng talata … “Sa pananampalataya…”. Kung hindi sila nanampalataya sa tagubilin ng Diyos, ano nga naman ba ang lohika na magpapahid ka ng dugo sa haligi ng pintuan? Walang scientific explanation para magpaliwanag kung paano ka maililigtas ng pagpahid ng dugo. Ngunit dahil sa pananampalataya ay sinunod nila ang tagubilin ng Diyos at sila ay naligtas nang gabing iyon.

4. Ang sukdulang tagumpay ng ating pananampalataya

Sa ating mga Cristiano naman ang sukdulang tagumpay ng ating pananampalataya kay Cristo ay mapagtatagumpayan din natin ang kasalanan na nagdudulot ng kamatayan at sa huli ay makakamtan natin ang pagkabuhay na mag-uli sa buhay na walang hanggan dahil sa dugo ng Cordero ng Diyos na si Jesu-Cristo.

1Co 15:54 Subalit kapag itong may pagkasira ay mabihisan ng walang pagkasira at itong may kamatayan ay mabihisan ng walang kamatayan, ay mangyayari ang salitang nasusulat, "Ang kamatayan ay nilamon sa pagtatagumpay."

Ø 54 But when this perishable will have put on the imperishable, and this mortal will have put on immortality, then will come about the saying that is written, “DEATH IS SWALLOWED UP in victory.

1Co 15:55 "O kamatayan, nasaan ang iyong pagtatagumpay? O kamatayan, nasaan ang iyong tibo?"

Ø 55 O DEATH, WHERE IS YOUR VICTORY? O DEATH, WHERE IS YOUR STING?”

1Co 15:56 Ang tibo ng kamatayan ay ang kasalanan, at ang kapangyarihan ng kasalanan ay ang kautusan.

Ø 56 The sting of death is sin, and the power of sin is the law;

1Co 15:57 Subalit salamat sa Diyos, na nagbibigay sa atin ng pagtatagumpay sa pamamagitan ng ating Panginoong Jesu-Cristo.

Ø 57 but thanks be to God, who gives us the victory through our Lord Jesus Christ.

1Co 15:58 Kaya, mga kapatid kong minamahal, kayo'y maging matatag, hindi nakikilos, na laging sagana sa gawa ng Panginoon, yamang nalalaman ninyo na hindi walang kabuluhan ang inyong gawa sa Panginoon.

Ø 58 Therefore, my beloved brethren, be steadfast, immovable, always abounding in the work of the Lord, knowing that your toil is not in vain in the Lord.

II. CROSSING THE RED SEA

Heb 11:29 Sa pananampalataya'y tinahak nila ang Dagat na Pula na tulad sa tuyong lupa, ngunit nang tangkaing gawin ito ng mga Ehipcio ay nalunod sila.

Ø 29 By faith they passed through the Red Sea as though they were passing through dry land; and the Egyptians, when they attempted it, were drowned.

Ang ilang mga detalye ng mga pangyayari mula sa pag-alis ng mga Israelita sa Ehipto hanggang sa makatawid sila sa Red Sea ay nagpapakita ng pagkilos ng pananampalataya upang magtagumpay.

1. ANG EKSENA:

Sa pagtaya ng kasaysayan ay humigit-kumulang sa 2 ½ milyon ang mga Isaraelitang lumabas mula sa Egipto! Wika nga sa ingles: “What a mighty exodus that was!”.

Exo 12:37 Ang mga anak ni Israel ay naglakbay mula sa Rameses hanggang sa Sucot, na may animnaraang libong lalaki na naglakad, bukod pa sa mga babae at mga bata.

Ø 37 Now the sons of Israel journeyed from Rameses to Succoth, about six hundred thousand men on foot, aside from children.

Kahit malaki ang kanilang bilang ay wala silang karanasan sa digmaan. Walang silang organisadong arm forces dahil sa mahabang panahon ay mga alipin lamang sila sa lupain ng Ehipto.

Tinutugis sila ng hukbo ni Faraon sa kanilang likuran at sa harapan nila ay ang dagat na Pula o ang Red Sea.

Hindi na nga malayo na sila ay natakot gaya na nga ng isinaad ng kasaysayan

Exo 14:10 Nang ang Faraon ay papalapit na, tumingin sa likuran ang mga anak ni Israel, at nakitang ang mga Ehipcio ay sumusunod sa kanila. Sila'y lubhang natakot, at ang mga anak ni Israel ay tumawag sa PANGINOON.

Ø 10 As Pharaoh drew near, the sons of Israel looked, and behold, the Egyptians were marching after them, and they became very frightened; so the sons of Israel cried out to the LORD.

Dito ay nakikita natin na sukdulang imposible na ang situasyon. Nasa bingid na ng hanganan at wala ng pupuntahan upang makatakas. Datapuwa’t, wika nga ng ilan: “Ang hanganan ng tao ay oportunidad sa Dios” (“Man’s extremity is God’s opportunity”). Sa makapangyarihang pagtatagumpay laban kay Faraon at sa kanyang hukbo, na naganap sa dagat na pula, ay mapapansin natin ang mga pangyayari ng pagtatagumpay ng pananampalataya. Dahil sa pananampalataya sa Dios, ni Moises at ng mga Israelita, ang Dios ay naglaan ng daan na kung saan itinulot Niya ang makapangyarihang pagtatagumpay.

III. ANG MATAGUMPAY NA PANANAMPALATAYA

1. ANG MATAGUMPAY NA PANANAMPALATAYA AY ANG PANANAMPALATAYANG HIGIT NA DAKILA KAYSA ANOMANG TAKOT

1.1 – Pansinin natin ang sinabi ang unang tatlong mga kataga ni Moises sa Israel na “huwag kayong matakot”.

(TAB)Exo 14:13 At sinabi ni Moises sa bayan, Huwag kayong matakot, tumigil kayo, at tingnan ninyo ang pagliligtas ng Panginoon na gagawin sa inyo ngayon: sapagka't ang mga Egipcio na inyong nakikita ngayon, ay hindi na ninyo uli makikita magpakailan man.

Ø 13 But Moses said to the people, “Do not fear! Stand by and see the salvation of the LORD which He will accomplish for you today; for the Egyptians whom you have seen today, you will never see them again forever.

Kung tayo ay kasama ng Israel sa mga gayong nakatatakot na pagkakataon ay marahil matatakot din tayo. Datapuwa’t, kung tayo ay nagtitiwala sa Dios, ay hindi tayo kinakailangang matakot. Ang mga katagang “huwag kayong matakot” ay 11 na beses ginamit sa buong Bibliang Tagalog at ang mga katagang “huwag kang matakot” ay 52 na beses ginamit. Ang pagkatakot ay kabaligtaran ng pagtitiwala. Kung maaalala natin ang nangyari kay apostol Pedro nuong siya ay naglakad sa ibabaw ng tubig at dahil sa takot ay lumubog siya. Ganun din sa pangyayari nang ang mga alagad at si Cristo (na natutulog nuon) ay inabot ng bagyo sa karagatan, ay makikita natin na ang takot ay ang kakulangan, o kung minsan ay kawalan ng pananampalataya. Kaya’t masasabi natin na kung may takot o kung nakadadama tayo ng takot sa mahigpit na situasyon ng buhay ay kinakailangang paglabanan natin ito ng pananampalataya at pagtitiwala sa Dios.

Paglakad sa ibabaw ng tubig:

Mat 14:30 Ngunit nang mapansin niya ang hangin, natakot siya, at nang siya'y papalubog na ay sumigaw siya, "Panginoon, iligtas mo ako!"

Ø 30 But seeing the wind, he became frightened, and beginning to sink, he cried out, “Lord, save me!”

Mat 14:31 Inabot kaagad ni Jesus ang kamay niya at hinawakan siya, na sinasabi sa kanya, "O ikaw na maliit ang pananampalataya, bakit ka nag-alinlangan?"

Ø 31 Immediately Jesus stretched out His hand and took hold of him, and said to him, “You of little faith, why did you doubt?”

Bagyo sa karagatan:

Luk 8:22 Isa sa mga araw na iyon, siya'y lumulan sa isang bangka kasama ang kanyang mga alagad at sinabi niya sa kanila, "Tumawid tayo sa kabilang panig ng lawa." At sila'y naglayag.

Ø 22 Now on one of those days Jesus and His disciples got into a boat, and He said to them, “Let us go over to the other side of the lake.” So they launched out.

Luk 8:23 Samantalang sila'y naglalayag siya'y nakatulog. Dumating ang unos sa lawa, at sila'y napupuno ng tubig at nanganganib.

Ø 23 But as they were sailing along He fell asleep; and a fierce gale of wind descended on the lake, and they began to be swamped and to be in danger.

Luk 8:24 Sila'y lumapit at ginising siya na nagsasabi, "Guro, Guro, tayo'y napapahamak!" Siya'y gumising at sinaway ang hangin at ang pagngangalit ng tubig. Ang mga ito'y huminto at nagkaroon ng kapayapaan.

Ø 24 They came to Jesus and woke Him up, saying, “Master, Master, we are perishing!” And He got up and rebuked the wind and the surging waves, and they stopped, and it became calm.

Luk 8:25 Sinabi niya sa kanila, "Nasaan ang inyong pananampalataya?" At sila'y natakot at namangha, at sinabi sa isa't isa, "Sino nga kaya ito, na kanyang inuutusan maging ang hangin at tubig at sila'y sumusunod sa kanya?"

Ø 25 And He said to them, “Where is your faith?” They were fearful and amazed, saying to one another, “Who then is this, that He commands even the winds and the water, and they obey Him?”

1.2 – Magtiwala sa Dios kaysa matakot.

Isa 12:2 "Ang Diyos ay aking kaligtasan; ako'y magtitiwala, at hindi ako matatakot sapagkat ang PANGINOONG Diyos ay aking kalakasan at awit; at siya'y naging aking kaligtasan."

Ø 2“Behold, God is my salvation, I will trust and not be afraid; For the LORD GOD is my strength and song, And He has become my salvation.”

2. ANG MATAGUMPAY NA PANANAMPALATAYA AY TUMITIGIL AT NAGTITIWALA SA DIOS UPANG KUMILOS

2.1 - Sa Exo 14:13-14, nabanggit ni Moises na “huwag kayong matakot” (Tal 13) at “kayo’y tatahimik” (tal 14).

Exo 14:14 Ipaglalaban kayo ng PANGINOON at ang dapat lamang ninyong gawin ay manahimik."

Ø 14 The LORD will fight for you while you keep silent.”

Sa mga gayung situasyon ay mahirap tumahimik lamang. Mas nagiging reaksyon ng tao na maghanda upang labanan ang mga Ehipcio o kaya’y magsimulang gumawa ng tulay para makatawid sa Dagat na Pula kaysa walang gawin. Datapuwa’t ang matagumpay na pananampalataya ay tumatahimik at nagtitiwala sa Dios, pinauubaya ang lahat sa Dios upang kumilos. Siya ang kapangyarihan ang Siya ang tagumpay.

3. ANG MATAGUMPAY NA PANANAMPALATAYA AY HUMAHAKBANG UPANG GAWIN ANG MGA BAGAY NA IMPOSIBLE

Exo 14:16 Itaas mo ang iyong tungkod at iunat mo ang iyong kamay sa ibabaw ng dagat, at hawiin mo, upang ang mga anak ni Israel ay makaraan sa tuyong lupa sa gitna ng dagat.

Ø 16 As for you, lift up your staff and stretch out your hand over the sea and divide it, and the sons of Israel shall go through the midst of the sea on dry land.

Exo 14:21 Pagkatapos, iniunat ni Moises ang kanyang kamay sa ibabaw ng dagat, at pinaghiwalay ng PANGINOON ang dagat sa pamamagitan ng isang malakas na hanging mula sa silangan sa buong magdamag, at ang dagat ay ginawang tuyong lupa at ang tubig ay nahawi.

Ø 21 Then Moses stretched out his hand over the sea; and the LORD swept the sea back by a strong east wind all night and turned the sea into dry land, so the waters were divided.

Ang tagubilin ng Dios kay Moises ay itaas ang kanyang tungkod at iunat ang kanyang kamay sa ibabaw ng dagat, at hawiin upang ang Israel ay makadaan sa gitna ng dagat sa ibabaw ng lupang tuyo. Nang gawin ito ni Moises ay kanyang ipinamalas ang kanyang ganap na pagtitiwala sa Dios at sa Kanyang pangako. Sa pananaw ng tao, sa mga gayong situasyon, ay napaka imposible na ang mga pangyayari; datapuwa’t ang pananampalataya ay wari bagang “tinawanan lang ang pagiging imposible at sumisigaw ng, “it shall be done” (“at it ay magaganap”).

Luk 18:27 Subalit sinabi niya, "Ang mga bagay na hindi magagawa ng mga tao ay magagawa ng Diyos."

Ø 27 But He said, “The things that are impossible with people are possible with God.”

4. ANG MATAGUMPAY NA PANANAMPALATAYA AY NANANATILI HANGGANG SA WAKAS

Exo 14:22 Ang mga anak ni Israel ay pumasok sa gitna ng dagat sa ibabaw ng tuyong lupa, ang tubig ay naging isang pader sa kanila, sa kanilang gawing kanan at sa kanilang kaliwa.

Ø 22 The sons of Israel went through the midst of the sea on the dry land, and the waters were like a wall to them on their right hand and on their left.

Sa Exo 14:22 ay nakita natin na ang Israel ay pumasok sa gitna ng dagat na nahati. Dito ay namamalas natin kung gaanong pananampalataya ay kinakailangan nila, hindi lamang upang humakbang palabas, kundi upang humakbang paloob at mag patuloy sa paghakbang. Katotohanang bawa’t paghakbang nila ay kinakailangan ang pananampalataya at pagtitiwala sa Dios. Ang takot ay maaaring magsasabi na: “paano kung biglang magsara ang dagat sa magkabila at tayo ay tiyak na lalamunin ng dagat”. Datapuwa’t ang pananampalataya ang sasagot na hindi mangyayari yaon dahil hindi hindi pahihintulot ng Dios na sirain Niya ang Kanyang mga pangako.

Ang Dios ay hindi magsisinungaling

Num 23:19 Ang Diyos ay hindi tao, na magsisinungaling, ni anak ng tao na magsisisi. Sinabi ba niya at hindi niya gagawin? O sinalita ba niya at hindi niya tutuparin?

Ø 19“God is not a man, that He should lie, Nor a son of man, that He should repent; Has He said, and will He not do it? Or has He spoken, and will He not make it good?

Heb 6:18 upang sa pamamagitan ng dalawang bagay na di mababago, na dito'y hindi maaaring magsinungaling ang Diyos, tayong nagtungo sa kanlungan ay magkaroon ng higit na katiyakang panghawakan ang pag-asang nakalagay sa harapan natin.

Ø 18 so that by two unchangeable things in which it is impossible for God to lie, we who have taken refuge would have strong encouragement to take hold of the hope set before us.

IV. ARAL O MENSAHE: Ang Resulta ng matagumpay na pananampalataya

Sa conclusion ng ating pag-aaral na ito ay mapapansin natin ang resulta ng pananampalatayang katulad ng ating inilahad: ang resulta o bunga ng matagumpay na pananampalataya. Sa madaling salita, kung mayroon mang katulad ng “Dagat na Pula” sa ating buhay, ay tinatanggal natin ang ating takot sa pamamagitan ng ating pagtitiwala at pananampalataya sa Dios. Dahil nauunawaan natin na hindi pahihintulot ng Dios ang anomang bagay na makapagpapahamak sa atin at tapat ang Dios sa lahat ng Kanyang mga pangako. Ano ang maaaring maging resulta ng lahat ng mga bagay na ito?

1. UNA - ANG PANGALAN NG PANGINOON AY MAPARARANGALAN.

Ito nga ang naging resulta na natala sa kasaysayang ito. Ang mga Egipcio ay natakot at kinilala ang kapangyarihan ng Panginoon. Sa Exodo 15:1-19 ay mababasa natin ang awit ni Moises ng pasasalamat, pagparangal, at pagsamba sa Dios bunga nga mga pangyayaring ito.

Exo 14:17 Aking pagmamatigasin ang puso ng mga Ehipcio upang sundan nila kayo at ako'y magkakaroon ng karangalan kay Faraon at sa buo niyang hukbo, sa kanyang mga karwahe, at sa kanyang mga mangangabayo.

Ø 17 As for Me, behold, I will harden the hearts of the Egyptians so that they will go in after them; and I will be honored through Pharaoh and all his army, through his chariots and his horsemen.

Exo 14:18 Malalaman ng mga Ehipcio na ako ang PANGINOON, kapag ako ay nakakuha na ng karangalan kay Faraon, sa kanyang mga karwahe, at sa kanyang mga mangangabayo."

Ø 18 Then the Egyptians will know that I am the LORD, when I am honored through Pharaoh, through his chariots and his horsemen.”

Ang reaksyon ng Egipcio

Exo 14:25 Kanyang nilagyan ng bara ang gulong ng kanilang mga karwahe kaya't ang mga iyon ay hirap na hirap sa pag-ikot; kaya't sinabi ng mga Ehipcio, "Takbuhan na natin ang Israel, sapagkat ipinaglalaban sila ng PANGINOON laban sa mga Ehipcio."

Ø 25 He caused their chariot wheels to swerve, and He made them drive with difficulty; so the Egyptians said, “Let us flee from Israel, for the LORD is fighting for them against the Egyptians.”

2. IKALAWA. ANG BAYAN NG DIOS AY NALIGTAS.

SA EXODO 14:29-30 AY MAPAPANSIN NATIN NA ANG PANANAMPALATAYA NG BAYAN AY LALONG LUMAKAS

Exo 14:29 Subalit ang mga anak ni Israel ay lumakad sa tuyong lupa sa gitna ng dagat; at ang tubig ay naging isang pader sa kanilang gawing kanan at sa kanilang kaliwa.

Ø 29 But the sons of Israel walked on dry land through the midst of the sea, and the waters were like a wall to them on their right hand and on their left.

Exo 14:30 Gayon iniligtas ng PANGINOON ang Israel nang araw na iyon mula sa kamay ng mga Ehipcio; at nakita ng Israel ang mga Ehipcio na patay sa dalampasigan.

Ø 30 Thus the LORD saved Israel that day from the hand of the Egyptians, and Israel saw the Egyptians dead on the seashore.

Exo 14:31 Nakita ng Israel ang dakilang gawa na ginawa ng PANGINOON sa mga Ehipcio, at ang taong-bayan ay natakot sa PANGINOON at sila'y sumampalataya sa PANGINOON at sa kanyang lingkod na si Moises.

Ø 31 When Israel saw the great power which the LORD had used against the Egyptians, the people feared the LORD, and they believed in the LORD and in His servant Moses.

3. IKATLO - ANG KAPANGYARIHAN NG KADILIMAN AY NAGAPI.

ITO AY NAKITA NATIN SA NANGYARI SA HUKBO NI FARAON…

Exo 14:27 Kaya't iniunat ni Moises ang kanyang kamay sa ibabaw ng dagat, at ang dagat ay bumalik sa kanyang dating lalim nang mag-uumaga na. Habang ang mga Ehipcio ay tumatakas, inihagis ng PANGINOON ang mga Ehipcio sa gitna ng dagat.

Ø 27 So Moses stretched out his hand over the sea, and the sea returned to its normal state at daybreak, while the Egyptians were fleeing right into it; then the LORD overthrew the Egyptians in the midst of the sea.

Exo 14:28 Ang tubig ay bumalik at tinakpan ang mga karwahe, ang mga mangangabayo, ang buong hukbo ng Faraon na sumunod sa kanila sa dagat; walang natira kahit isa sa kanila.

Ø 28 The waters returned and covered the chariots and the horsemen, even Pharaoh’s entire army that had gone into the sea after them; not even one of them remained.

4. PANANAMPALATAYA – ANG PAGTATAGUMPAY NA DUMADAIG SA SANGLIBUTAN

1Jn 5:4 Sapagkat ang sinumang ipinanganak ng Diyos ay dumadaig sa sanlibutan at ito ang tagumpay na dumadaig sa sanlibutan, ang ating pananampalataya.

Ø 4 For whatever is born of God overcomes the world; and this is the victory that has overcome the world--our faith.

-Wakas -

Search This Blog

Tagalog Bible Lessons - Videos and Outlines

The Victory of Faith | Ang Tagumpay ng Pananampalataya